انا هاشترى عربيه وبقارن بين متسوبيشى لانسر 1600 رياضيه و نيسان صنى 1600 سوبر صالون مع العلم ان المتسوبيشى اغلى حوالى 11000 جنيه
عايز اعرف ال 11000 دول فرق فى السعر ليه؟
مع ان الامكانيات بتاعه العربيتين تبان واحده !!!!!!!!!
انا هاشترى عربيه وبقارن بين متسوبيشى لانسر 1600 رياضيه و نيسان صنى 1600 سوبر صالون مع العلم ان المتسوبيشى اغلى حوالى 11000 جنيه
عايز اعرف ال 11000 دول فرق فى السعر ليه؟
مع ان الامكانيات بتاعه العربيتين تبان واحده !!!!!!!!!
اولا ربنا يهديك الي الاختيار السليم و المناسب لك
ثانيا الفرق في السعر ده عشان الصني تقفيل مصري يعني نسبة المكون المصري بتكون ما بتقلش عن 45% شاملة الابواب و الشنطة و كاوتش الابواب و الكاسيت و التابلوه
اللانسر ياباني بالكامل و متقفلة بالكامل في بلدها
محمد فهمي
نخلينا مع السوق
و نقول لانسر
طب ايه المشكله انها متقفله فى مصر؟
وايه الفروق بين العربيتين؟
اللانسر تستاهل فرق ال11000 لانها يابانى 100% وفى الاوتوماتيك اللانسر اسرع وفى اعاده البيع احسن بكتيرررررررر
اكيد يا استاذنا حضرتك مش مصري او عايش في مصر عشان تسأل السؤال ده
مشكلة انها متفقلة في مصر ان مثلا بتلاقي الكاسيت جولدي و السماعات ايضا و فيه هنا في المنتدي بتقول انها لما بتعلي الكاسيت شوية السماعات بتتحرك من مكانها
ممكن تلاقي كاوتش الباب مش عازل للصوت كويس و ممكن تلاقيه كويس يعني انت و حظك كده انمات هي عربية ثابتة وجودها حتي الان و عملية لكن حضرتك كنت بتسأل عن ليه فرق السعر
محمد فهمي
و النيسان الماكينه بالكامل و العفشه يبانى و المكون المصرى فيها لا يمكن يكون 45% وانت اكيد عارف هما بيقولوا كده ليه طبعا علشان ظروف الجمارك
وعلشان ينزلو السوق بسعر منافس و المكونات المصريه دى عباره عن الكراسى والطابلوه و حاجات مش مؤثره (من وجه نظرى*
الاهم عندى فى السياره انها تكون عمليه وتستحمل السفر كل يوم والمطببببببات
وبالنسبه لحكايه اعاده البيع هى لو عربيه كويسه ايه اللى هايخلينى ابيع فى الاجل القصير د انا جايبها بالعافيه هابيعها تانى يوم اللى هايبيع كده كده بيخسر.
على فكره انا لسه ما اشترتش
لما اتكلم عن المتسوبيشى اسمع كلام مقنع ولما اتكلم على النيسان بردو اسمع كلام مقنع الحقيقه انا فى حييييييييييره
علشان كده انا اسئلتى كتيره و رخمه معلش استحملونى وخدوا فيا ثواب:original:
واضح انك ميال للصني فالصني مش وحشة
هات اللي قلبك مرتاحلها افضل و علي العموم الفروق مش كبيرة قوي هي مسألة احتياجات و متطلبات مش اكتر
يعني مثلا ميزة اللانسر زي ما بعض الاخوة قالوا سعر اعادة البيع حتي لو مش حبيع لكن مجرد احساسي ان عربيتي مطلوبة ده بيديني احساس اني ما اخدتش خطوة غلط
اعتقد ان الصني صاجها اقوي من اللانسر
يا ريت تهتم بعوامل الامان برضه و دي مهمة جدا زي نظام الفرامل و الايرباج و نظام العفشة و التعليق
محمد فهمي
the lancer is only better than the sunny in the japanese finish ! but concerning the engine the sunny is way much stronger ! only the egyptian finish is the thing that will annoy u ! and it usually manifest it`s self !
for eg. a friend of mine changed the window switch 2 times yet they changed it for him free of charge !
mel 2kheir ya3ny enta mesh hatalbes 2wy law gabt el sunny wa law fare2 ma3ak el 11000 LE dool !!
طيب ايه هى عوامل الامان فى الانسر؟
انا ارشح لك اللانسر
ثبات على الطريق
تقفيل يابانى
نظام صوت استريو رائع
الفرش الداخلى اجمل
الشكل الخارجى اشيك
وأسأل نفسك لماذا جميع مكاتب إيجار السيارات بتحب السيارة اللانسر
لأنها عملية وقليلة الأعطال بالإضافة إلى الخدمة الشاقه
وربنا يوفققك للأحسن
ا/ memokoko احب اوضح لحضرتك حاجات مهمة يمكن تساعدك فى اختيارك اولا: النيسان صنى السوبر صالون عربية موتورها 2 كامة علوية وقوته 110 حصان الصافية وعزمها 148 نيوتن ده برده الصافى وبذلك يعتبر موتورها اقوى من الانسر لان موتورها كامة علوية مفردة 105 حصان الصافى وعزمها 138 نيوتن وبالتالى فتسارع النيسان افضل والسرعة القصوى افضل
ثانيا: بالنسبة للتكيف فتكيف النيسان احسن من تكيف الانسر
ثالثا: عفشة النيسان السوبر صالون عفشة رياضية (تحتوى على 4 مساعدين double acting بعنى المساعد فى المطب بينزل مع الجنط ويطلع بيه )+ستبلايزر بار فى الامام وطورشن بار فى الخلف وده بيدى العربية ثبات غير عادى يمكن تكون العربية النيسان السوبر صالون من اثيت العربيات فى فئاتها
رابعا: الحاجات المصرى اللى فى النيسان هى (بطارية كلوايد- زجاج د جريش - كراسى موبيكا والخامات مستوردة من الخارج اما الفوم اللى فى الكرسى فهوا مصرى- كوتش الابواب - ضفيرة الكهرباء - اما عن الريداتير فهو مستورد من مورد فى الخارج ومتجمع فى مصر - وكذلك الشكمان مستورد من الخارج )
التابلوه مش مصرى زى ما الاخوه الافاضل بيقولوا والكاسيت كلاريون والسماعات هى اللى جولدىوالعربية عزلها افضل من الانسر - الشنطة اكبر من الانسر
واثبت على الطريق من الانسر
العيوب اللى فى النيسان :
المساحة فى الكنبة الخلفية ضيقة عن الانسر - الفتيس اتوماتيك عادى مش cvt - سعر اعادة البيع للانسر افضل -ممكن يقابلك عيوب فى الصناعة لكن التوكيل يعتبر من افضل التوكيلات فى مصر فى خدمة مابعد البيع
يعنى ممكن يقابلك عيب فى ضفيرة الكهرباء- او ان الكراسى بتزيق
ولكن المهم انك لو عندك مشكلة فاكيد هتتحل وده الميزة فى ضمان النيسان فى مصر انها 3 سنوات او 100000 كم
لو حضرتك عايز تركب عربية افضل من العربيتين دول ممكن تركب نيسان تيدا سيدان وهيكون سعرها افضل من الانسر وفيها كل الحاجات اللى ممكن تحتجها فى عربية فى الفئة دى يعنى هى برده موتورها 2 كامة وتزيد عن النيسان السوبر صالون انها فيها abs+ebd وجودة الخامات الداخلية رهيبة و مساحة اعتقد انها اوسع عربية فى مصر فى العربيات السيدان
طيب هل الستبلايزر بار والطورشن بار اللى فى الخلف يغنوا عن ال abs+ebd؟
اقصد هل الستبلايزر بار والطورشن بار بدائل للabs+ebd ؟
محدش عايز ثواب؟
خلاص ، اخد انا الثاوب
الستابيليزر،sablizer اللى هو كان موجود فى ال128 وال131 وكل العربيات من قديم الأزل باسم الميزان وحاليا اخد الجنسية الأمريكية وبقى خواجة واسمه ستابليزر ده قضيب من الحديد يوضع فى السيارة بطريقة معينة تحد من فرص انقلاب السيارة فى الملفات على السرعات العالية، ومثله قضيب الإلتواءtorsion barالموجود فى الخلف ، لكن هذة انظمة تعليق ميكانيكية لا علاقى لها بانظمة الكبح الالكترونية مثل الABS وال EBD حيث يقوم نظام منع غلق المكابحanti brakelock system او اختصارا ABS بفك الفرملة لحظيا عن اى عجلة تتوقف عن الدوران فى حين ان باقى العجلات لا تزال فى حالة دوران فيما يعنى ان هذة العجلة تنزلق (بتصفر فى الأرض) وهذا يعطى السيارة قوة كبح عالية فى الطرق الزلقة والمبتلة،
اما نظام التوزيع الإلكترونى للكبحelectronic braking distribution او اختصارا EBDفوضيفته تخفيف الفرملة عن العجلة التى تقل سرعتها عن باقى العجلات اثناء الفرملة حتى لا تنكفئ السيارة للأمام او تنحدف لليمين او اليسار اثناء الكبح مما قد يؤدى لفقدان السيطرة عليها
وهكذا فان ااضافات الرياضية لنظام التعليق ليس لها علاقة بالاضافات الألكترونية لنظام الفرملة، حيث ان دور انظمة التعليق الرياضية يظهر عند
الحاجة للأداء الرياضى على سرعات عالية ، فى حين ان دور انظمة الكبح الإلكترونية تظهر فى حالات الفرملة الطارئة
جميل الشرح يا استاذ سبعاوى كالعادة
بس ما قولتلناش رأيك فى الموضوع الاساسى ؟
نيسان و لا لانسر ؟!! :smartass:
أكيد لأ ، ده جزء من العفشة بيحاول يستعيد توازن العربية فى الملفات ، أما التانى فأنظمة فرامل بتحافظ على التحكم فى إتجاه العربية وعدم دورانها أثناء الفرامل الشديدة على أرض سيئة
مقارنة اللانسر والصنى من المقارنات المحيرة أوى ، ممكن نزود نقط غير فنية وهى إن الصنى شكلها عائلى ووقورة أكثر من الانسر ! وتقدر تقول بتدى برستيج إلى حد ما لقائدها عن اللانسر ! أما اللانسر فشبابية أكثر وعندها قابلية أكتر (من حيث الشكل) للتعديل والإضافات زى الجنوط والزينون والسبويلر أو أى حاجة تانية
شوف دماغك ميالة لإيه أكتر ؟ سنك كام ؟ بتركبها لوحدك ولا معاك أسرة ؟ بتظبط فى العربية ولا بتسيبها فابريقة ؟
كل دى ردود جت وانا بكتب :) عموما زيادة الخير خيرين :)
خليك فى الانسر احسن من النيسان بكتير وبعدين فرق اسعر كمان علشان فتحة السقف والفتيس الاوتوماتيك وكمتان الانسر اوسع واعلى على الارض من النبسان وبيتهيالى الانسر تكيفها اشد من النيسان ود ىجربة شخصية مع العربيتين ارشح الانسر
نصيحه لوجه الله
روح اركب النيسان وانت اللى هتقرر....
عفشه ناشفه جدا
كراسى خشب غير مريحه بالمره
يبقى لزمتها ايه العربيه؟؟؟؟
بس انا من انصار المتسوبيشي
بس انت شوف نظامك ايه في العربية حسب الاستخدام يا عني انت عايز العربية لي ايه بالزبط حدد اكتر لان العربيتين مقارنتهما موش سهلة
شوف الموضوع ده http://www.nilemotors.net/Nile/showthread.php?t=29558
ايه حكايه الفتيس الاوتوماتيك فى العربيتين اى فتيس فيهم افضل من ناحيه القوه والتحمل؟
هل المتسوبيشى الرياضيه فيها الميزان اللى فى الصنى؟
وكمان سمعت ان سحب النيسان افضل فهل هذا صحيح؟
أعتقد وده من وجهة نظرى أن الصنى أفضل فى حاجه واحده فقط وهى الموتور الـ 16v
2كامه فى حين أن اللانسر 16v كامه واحده .وأعتقد ده بيفرق نسبياً فى أداء الموتور ونعومة صوته
لصالح الصنى .أما أى شىء أخر تتفوق فيه اللانسر
انا يهمنى سحب العربيه وخاصتا الاوتوماتيك ياجماعه سحب مين فيهم افضل؟
الاخ كوبرا انت عندك باجيرو؟؟؟
انا بحس ان فيه ناس كتير جدا لما بتقارن الصنى باللانسر بتتكلم كأنها بتقارن فيات 124 بمرسيدس كومبريسور، وبصراحة شايف ان السبب الوحيد فى ده اننا اتعودنا نطلع القطط الفاطسة فى اى حاجة بتتعمل فى مصر، سواء القطط دى كانت فاسطة فعلا وللا بسبع ترواح ولسة عايشة
انا سقت النسيان لحد ما شبعت وسقت اللانسر الشكل القديم كتير جدا واكاد اجزم ان الفروق بينهم صعب جدا ان الواحد يطلعها، لكن معظم العيوب والميزات متقاربة جدا، العفشة ناشفة فى العربيتين، عزل الصوت مش عظيم فى العربيتين، الموتور صوته مش عالى لكن فى نفس الوقت مش ناعم فى العربيتين وان كان النيسان صوت موتورها اعلى شوية، الصاج خفيف ومرن فى العربيتين، الثبات ممتاز فى العربيتين ،السحب معقول فى العربيتين وان كانت النيسان سحبها احسن شوية، اللانسر قعدتها اوسع من ورا والصنى قعدتها اوسع من قدام، الفرش اللى كل الناس طالعين بيه السما فى اللانسر وخاسفين بيه الأرض فى النيسان انا مش شايف فيه فروق تذكر، شكل العربية من جوة ومن برة مسألة اذواق
وفعلا من الأخر وبدون تحيزات مسبقة مبنية على رفض تقليدى لأى منتج مصرى او بالعكس احساس وطنى ابله مبالغ فيه، الفيصل النهائى فى شراء اى من السيارتين هو شكل مين فيهم عاجبك اكتر، لأن الفروق فى اى حاجة تانية لو قورنت بدون تحيزات فلن تكون اطلاقا بالحجم الذى يصورها بها البعض
والعربيتين بالمناسبة مش اعظم حاجة فى الكون، هم على قد فلوسهم معقولين وليس اكثر من ذلك، ومش ذنبهم ان العربيات فى بلدنا بتتباع بضعف سعرها فى اى حته تانية فى لعالم وبتالى احنا مستنيين اداء فائق مقابل الفلوس اللى احنا بندفعها وفى النهاية بنلاقى اداء جيد فقط
يسلم لسانك يا باش مهندس سبعاوى لسانك بينقط درر
انت قلت ان المقارنه صعبه . ولكن مش مستحيله
انت نفسك جاوبت على معظم الاسئله اللى بتدور فى دماغى
انت قلت ان السحب فى النيسان افضل وقلت ان الموتور فى النيسان افضل لاْنه ب اتنين كامه علويه
كمان قلت ان الصالون بتاع النيسان واسع من قدام وديق من ورا و قلت الانسر واسعه فى الكنبه اللى ورا كمان اتكلمنا عن الشنطه والكماليات فى العربيتين وعن العفشه
و عن سعر شراء السياره وعن سعر اعاده بيعها . ناقص ايه فى المقارنه!
المعلومات دى ماكنتش اعرفها وماكنتش ممكن اعرفها الا لو طلبت مساعده حضرتك ومساعده الاخوه فى المنتدى.
وعلى الرغم من اختلاف الاخوه فى المنتدى فى الرأى الا ان دلوقتى بقى عندى معلومات مؤكده من اكثر من عضو تخص السياراتين وعيوبهم و مميزاتهم
ومن خلال المعلومات دى اقدر اشوف انا عايز ايه بالظبط .
الصنى مناسبه ليا اكتر لان شكلها وقور من بره تناسب السن اللى فوق 35 كمان اداءها كويس موتورها قوى وسعرها اقل
الصالون بتاعها الخامات بتاعته ربما تكون اقل من الانسر دى ماتهمنيش كتير سعر اعاده بيع الانسر افضل بكتييير بس انا بردو ماتهمنيش دى الانسر و الدايو منتشرين جدا بعض الاعضاء بيعتبروا دى ميزه وهى حقيقى ميزه من وجهه نظرهم لكن بالنسبه ليا لا.لانى بحب ابقى مميز الى حد ما ياريتنى اقدر اشترى الفيرارى:)
انا بحب ابقى العربيه اللى انا راكبها مش منتشره الانتشار الفظيع ده # ده مجرد راى ممكن تتفق معاه وممكن لا # وخصوصا ان سعر قطع الغيار مش فارقه كتير
ومن الاخر العربيتين زى الفل ماحدش يقدر يقول عليهم حاجه انا بس كنت بشوف ايه اللى يناسينى من خلال التفاصيل بتاعه العربيتين مش من خلال راى شخص ما لان كل شخص بيبنى رايه من خلال المواصفات اللى تناسبه هو شخصيا.
الصنى فيها شويه عيوب من وجهه نظر بعض الاعضاء بالنسبه ليا ممكن اتقبل الحاجات دى والعكس صحيح انا ممكن اشوف شويه عيوب فى الانسر بالنسبه لشخص اخر دى مميزات مش عيوب .
المهم دلوقتى انا كونت راى عن العربيتين
محدش عارف الفيرارى دلوقتى بكام ؟وهل هى فول اوبشنز ولا لأ؟ اصل انا ناوى اشتريها الصيف الجاى :)
باش مهندس سبعاوى اللنك اللى انا كاتبه ده بتاع كونتاكت كار مكتوب فى التفاصيل ان العربيه فيها abs كمان شكل الفتيس الاوتوماتيك مختلف انا الشكل اللى شفته فى عربيات كتير كانت الغيارات على استقامه واحده اقصد الفتيس كان مجره
الكلام اللى بيقولوه ده صحيح ولا دى خدعه:original:
http://www.contactcars.com/NewCars_P...?EngineID=1409
Lancer طبعا للاكتساح في السوق للانسر وده أكيد أكيد مش من فراغ
واضح ان الناس بتوع كونتاكت ناشرين مواصفات الصنى اللى بتتباع فى الخليج واخدينها كوبى بيست من موقع خليجى، اصل المشكلة فى كونتاكت ان اللى متولى الدعم الفنى لموقع اهتمامه الأساسى السيارات هم ناس بتوع IT
المواصفات دى بتاعة الشكل الخليجى، لكن الشكل الموجود فى مصر بدون ABS عصاية الفتيس بزرار LOCKوليس حارات
لو قسناها بالطريقة دى يبقى المفروض ان الناس كلها تشترى صنى يدلوقتى لأن الصنى بتبيع حاليا اكثر من لانسر الشكل القديم بمراحل
اللانسر باعت لما كانش لها منافس فى فئتها السعرية، والصنى ديلوقتى بتبيع بهبل لأن برضه مالهاش منافس قوى فى فئتها السعرية، بالنسبة لسوقنا انتشار سيارة معينة هو ضمان لسهولة الصينة واعادة البيع لكن ليس معناه انها احسن عربية فى الدنيا، لكن معانه ببساطة ان فى الفترة اللى انتشرت فيها كانت هى احسن سعر فى فئتها، سوقنا ماشى بالطريقة دى، وعلشان كدة هتلاقى مافيش عربية فى سوقنا انتشرت بكل موديلاتها، موديل ينجح واللى بعديه يسقط حسب سياسة التسعير، وارجع لأيام التسعينات هتلاقى اكتر عربية يابانى كانت بتتباع فى اوائل التسعينات هى الهوندا سيفيك وبعديها الكورولا، واللانسر البطة قليلة جدا، مع ظهور اشكال 1997، الهوندا اختفت والكورولا العيون اختفت واللانسر الكريستالة اكتسحت، مع ظهور اشكال 2000برضه الهوندا مش موجودة لكن الكورولا اكتساح واللانسر المكوة معملتش اى شغل، وفى 2003 اللانسر البومة عملت مبيعات عالية جدا لحد النهاردة علشان فرق السعر الواضح من الكورولا، وبرضه الهوندا مش موجودة
ومن 2006 مع ظهور الصنى المجمعة محليا وهى مبيعاتها فى ازدياد ، لكن كانت العقبة هى اللانسر القريبة منها فى السعر ، لكن النهاردة لما هتبص على السوق وهتلاقى ان اللانسر الشارك غليت جدا، والكورولا الجديدة برضه غالية جدا لدرجة انهم بقوا بسعر الهوندا سيفيك رجعت الهوندا سيفيك للسوق بعد غياب 12 سنة وبتبيع اكتر من الكورولا واللانسر الجداد، اما الصنى المحلى اللى موجودة فى السوق من 2006 فقط (يعنى مش اكتر من سنتين) فمعدل مشاهدتها فى الشارع يكاد يقارب اللانسر اللى بتتباع بقالها 6 سنوات والكورولا اللى بتتباع بقى لها 7سنوات وده مش علشان هى احسن من اللانسر لكن علشان اللانسر الشكل القديم غليت بهبل، لأن فى النهاية التسعير فى مصر له اكبر الاثر فى الانتشار، ولو الانتشار معناه ان السيارة ممتازة يبقى المفروض ان السبرانزاA516 تتحط ضمن قائمة افضل سيارات فى مصر(مع كامل احترامى للسيارة واصحابها)
اكتساح ايه؟